sru:version: 1.2; sru:query: fcs.rf="mecmua.1_60"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_60"; sru:baseUrl: ; fcs:returnedRecords: 1; fcs:duration: PT0.025S PT0.031S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_60</phrase></query>)];

Turǧumānu l‑ġaybi fī ḥalli ʿuqāli r‑raybi naẓamahū l‑ʿabdu l‑faqīru Muḥammad Kamālī ʿafā ʿanhu bi‑smi llāhi r‑raḥmāni r‑raḥīm

remel: fāʿilātün ‑ fāʿilātün ‑ fāʿilün

1 Diñle nāyuñ söz ü sāzın cān‑ile
Añla anuñ n’eydügin iẕʿān‑ile

2 Ehl‑i diller birle her dem hem‑nefes
Ney şeker gibi degül ḫᵛān‑i meges

3 Gūş‑i kāmil diñlemez illā ki ḥaq
Sen hemān qo ṣūreti maʿnāya baq

4 Sırr‑i tevḥīde varılmaz “lā”‑yile
Vaḥdet is̱bāt ėt yüri “illā”‑yile

5 Mürşid‑i kāmil‑durur neyden murād
Sen qabūl eyle sözüm qılma ʿinād

6 Cümle eşyā ʿārife mürşid olur
Līk münkir kördür gendin görür

7 Gendü zīn gören kişi körden beter
Göz kim ̮ʿibret görmeye yegdür ḥecer

8 Çün “ene l‑ḥaq” dėdi bir qaç kişiler
Baʿżısı mabġūż u baʿżı muʿteber

9 Çünki taqyīd eyledi Firʿavnı gör
Kāfir oldı muṭlaqā melʿūnı gör

10 Ol sözi Manṣūr ʿāşıqda dėdi
Līk maqṣūdı anuñ ıṭlāqdı

11 Anuñ‑içün dėdi ṣāḥib‑mes̱nevī
Kāşif‑i esrār‑i ʿilm‑i maʿnevī

12 Būd ana l‑ḥaq bar‑lab‑i Manṣūr nūr
Būd ana l‑ḥaq bar‑lab‑i Firʿavn zūr

13 Ṣūreten taqyīd idi çünki sözi
Tīġ‑i şerʿ‑ile ʿadem oldı özi

14 Ser dilerseñ ṣaqla sırrı dāyimā
Çıqma ıṭlāq ̮ʿaleminden ey fetā

15 Her muqayyed içre sen ıṭlāqa baq
Ḫulq‑i ṣūretdür anuñ maʿnāsı ḥaq

16 Ḥaqqa irşād eyler eşyā cümleten
Sen anı gūş ėtmemeñ āyā neden

17 Cümle sendendür ḥicāb u inkişāf
Eyle qalb āyīnesin ẕikr‑ile ṣāf

18 Ṣayqal‑i mirʾāt‑i qalb oldı ẕikir
Nerdübān‑i ʿarş‑i aʿlādur fikir

19 Fikrüñi “ā‑lā”ya maṣrūf eylegil
Ẕikrüñi “illā”ya maʿṭūf eylegil

20 Fikr ü ẕikr‑ile bilinmez çünki ẕāt
Ādemüñ bildügi esmā vü ṣıfāt